Bitxikeriak -
Idolo berria
Txileko gazte bat Lady Gagaren ordezko ofizial izendatu dute
Lady Gagaren estiloa errepikaezina den arren, Billboard aldizkariak artista nabarmenaren ordezkorik onena topatu du. Jey Gaga du izena eta Txilekoa da. Ikusi bideoak.
Erredakzioa
Lady Gaga abeslari estatubatuarrak ordezko ofiziala du. Jey Gaga izena duen Txilek neska bat da eta Billboard aldizkariak Lady Gagaren ordezkorik onena topatzeko antolatu zuen lehiaketa irabazi du.
Argitalpenaren webguneak hamar finalisten argazkiak erakutsi ditu eta zerrenda horretako erregina Jey Gaga da. Txiletarrak Interneten jasotako botoei esker benetako Lady Gaga ezagutzeko eta artistaren kontzertu bat ikusteko Las Vegaserako bidaia bat irabazi du.
Abeslari newyorkarrak Txilen duen jarraitzaile talde ofizialak baieztatu zuen Jey Gagaren jatorria. "Telephone" abestiaren bideoan Gagak duen itxura imitatzen zuen argazki bat aurkeztu zuen Jey Gagak lehiaketa horretara.
Argazkian, bandera estatubatuarra irudikatzen duen bikini batekin eta telefono batekin azaltzen da txiletar gaztea.