Vuvuzelak debekatuko dituzte Europako Ligan

Munduko Txapelketan sona handia lortu zuten vuvuzelak debekatzea erabaki du UEFAk. Horrenbestez, Europako futbol erakundeko txapelketen partidak jokatzen diren estadioetan ez da musika-tresna horren soinu monokordea entzungai izango.

"Futbola europarraren kulturarekin eta ohiturekin lotutako arrazoiak direla eta", tronpetak futbol zelaietan ezin direla sartu adostu du UEFAk, izan ere, "partidetako giroa vuvuzelen hotsarekin aldatu egingo litzateke", horren arabera.

Musika-tresna hori "Europan ez litzateke egokia izango", UEFAren ustez, eta "zarata berezkoena zurrumurruek eragindakoa" dela gaineratu du.

UEFAk adierazi duenez, Hegoafrikako testuinguruan, "tokiko kulturaren eta folklorearen ukitua" ematen zuten vuvuzelek.

"Futbolaren magiak zelaiaren eta harmailen artean bi noranzkoetan sortzen diren emozioen hartu-emana du oinarrian, izan ere, ikusleek jokalariei sentimendu andana igortzen dizkiete. Giroa erabat aldatuko lukete vuvuzelek; zaleen emozioak isilaraziko lituzkete eta kirolaren esperientziatik urrunduko lituzke", UEFAren iritzian.