Bitxikeriak -
Gabon zahar gauean
Bere hiltzaileari argazkia atera zion filipinar batek hil aurretik
Biktimaren senideek argazkia eman zioten Poliziari. Hiltzailea atzo atxilotu zuten Manilan eta beste bi lagunen bila ari dira.
Erredakzioa
Bere ustezko hiltzaileari argazkia atera zion filipinar batek hil aurretik, iturri ofizialek aditzera eman dutenez.
Biktima bere familiari argazkia ateratzen ari zen etxeko atarian Gabon zahar gauean. Argazki horretan, gainera, gizonezko bat azaltzen da arma batekin apuntatzen ari zaiola.
Antza denez, bularrean eta besoan tiro egin zion Reinaldo Dagsari eta zauri horien ondorioz, ospitalera heltzerakoan hil zen.
Poliziak hiltzailea atxilotu zuen atzo Filipinako hiriburuan (Manila) eta beste bi lagunen bila ari dira.
Hau zure interesekoa bada, baliteke beste gai hauek ere izatea