Kantabriako errepide bat lapurtu dute

Joan den astean, ezezagun batzuek 50 metroko errepide zatia lapurtu zuten Mogro hondartzara bidean, Miengo herrian (Kantabria). 150 metro karratuko bide txikia da lapurtutako zatia eta hondartzara iristeko bidea da. Gizon batek errepide zatia lapurtu duela aitortu dio Goardia Zibilari; izan ere, bidea bere jabetzan egin dutela adierazi du, ikerketaren iturriek azaldu dutenaren arabera.

Bizilagun horrek, gainera, errepidea egin duten lekua bere jabetza dela baieztatzen dituen dokumentuak aurkeztu ditu.

Susmagarria

Bizilagun batek komunikabideei adierazi zienaren arabera, baliteke lapurreta inguruko bizilagun batek egitea.

Gainera, Udalak duela gutxi konpondutako tartea zela azaldu du bizilagun horrek ere. "gauez egin behar izan dute, kamioi bat eta pala bat behar izango zituzten. Horrelako gauzak egiten dituztenak gauez aritzen dira", zehaztu du.