Bitxikeriak -
Suge ospetsua Twitterren
Bronxeko zooko suge bat, Twitterreko izar berria
Twitterren kontatutakoak gorabehera, Bronxeko zoologikoko agintarien ustez sugeak Narrastien Etxeko txokoren batean jarraitzen du. Oraingoz, itxita dago Narrastien Etxea.
Erredakzioa
Baliteke hainbat aste igarotzea Bronxeko zoologikotik ihes egin zuen kobra aurkitzen duten arte. Hala ere, suge oso pozoitsu honen abenturak hitzetik hortzera dabiltza azken egunotan, Manhattanen gertatzen zaizkionak kontatzeko Twitterren zabaldu duten fikziozko profilari esker.
Zooko Narrastien Etxetik ihes egindako kobra egiptoar nerabeak Twitterren duen profilak (BronxZoosCobra) 30.000 jarraitzaile zituen astearte eguerdian.
Twitterren kontatutakoak gorabehera, Broxeko zoologikoko agintarien ustez sugeak Narrastien Etxeko txokoren batean jarraitzen du. Oraingoz, itxita dago Narrastien Etxea.
Jim Breheny zoologikoko zuzendariak astelehenean ohar batean adierazi zuenez, baliteke hainbat aste igarotzea sugea aurkitu arte.
"Honaino iritsita, arrantza egitea bezalakoa da hau; amua uretan jarri eta itxaron. Gure estrategiarik onena pazientziaz jokatu eta bere ezkutalekutik ateratzeko denbora ematea da" esan zuen.