Bitxikeriak -
Mercedesa erosteko nahikoa ez
Autoak bazterrean utzi du Gonzalez Pons
Granadatik Valentziara zihoala, bere autoak matxura izan du eta, etsita, horren berri zuzenean eman die bere jarraitzaileei Twitter bidez.
Erredakzioa
Esteban Gonzalez Pons bide-bazterrean botata geratu da ostiral honetan, Granadatik Valentziara zihoala. Bere auto ''zaharrak'' matxura izan du eta ezbeharra Twitterreko bere jarraitzaileei zuzenean kontatu die. Garabiaren zain zegoela, argazkia atera eta sare sozialean jarri du.
Alternadorean izan du matxura autoak. ''Auto zaharra da, eta kilometro asko ditu'', azaldu du PPko ordezkariak Twitterren. Mercedes bat erosteko diru nahikorik ez duela esan du bertan, ironiaz.
"Denbora aurrera doa. Hotzak nago. Beste garabi bat bidali didate, eta oraindik ez dut taxiaren berririk. Pons etsitzen hasi da'', idatzi du taxia heldu aurretik. "Taxia hemen da. Itsasoan galdutakoarentzat itsasontzia bezala. Etxera noa. Eskerrik asko konpainiagatik'', idatzi du ondoren.
'Kilometro-kopuru' mugatua duenez, Valentziara baino Benidormera bakarrik eramango du taxiak Esteban Gonzalez Pons.