Bitxikeriak -
Sexu harremanak
Frantses ezkertiarrak eskuinekoak baino 'iraultzaileagoak' dira ohean
Ikerketaren arabera, 'diskurtso inkonformistak jarraitzen dituzten frantsesak ez daude sexualki batere asetuta'.
Erredakzioa
Eskuineko frantsesek ezkerrekoek baino sexu gutxiago izaten dute, Hot video aldizkariak argitaratu duen galdeketa baten arabera.
“Eskuineko eta zentroko boto-emaileek gainerako frantziarrek baino bizitza sexual lasaiagoa dute”, Ifop enpresak egindako galdeketa baten arabera.
Nicolas Sarkozy Frantziako presidente eta hautagai kontserbadoreari botoa ematen diotenek 6,7 harreman sexual izaten dituzte hilean, batez beste, François Bayrou zentristarenek 5,9 eta ezkerreko hautagaiaren boto-emaileek 7,6.
Muturreko hautagaien boto-emaileek harreman sexual gehiago izaten dituzte: 7,7 hilabetean ezker muturrekoek, eta 8 eskuinekoek.
Hala ere, ikerketak dio “Jean-Luc Mélenchon neo-komunistaren edo Marine Le Pen ultranazionalistaren diskurtso inkonformistak jarraitzen dituzten frantsesak ez daudela sexualki asetuta”.
Galdeketan ageri diren bitxikeriei dagokienez, ezkerreko emakumeek eskuinekoek baino gehiago egiten dute felazioa; % 81 eta % 69, hurrenez hurren.