Bitxikeriak -
Ingeniari batzuen arabera
Amsterdameko prostituta ospetsuak... robot bihurtuta?
Adituen arabera, robotekin sexua praktikatzeak gizonak errudun sentitzea saihestuko du, "robot batekin sexua egitea ez baitute desleialtasuntzat hartuko".
Erredakzioa
Herbeheretako ingeniariek mundu guztia ahobete hortz utzi dute urte gutxi barru robotek Amsterdameko prostituten lekua beteko dutela esanda.
Ingeniariek androideen belaunaldi berria sortu dute, bakterioen kalteak saihesten dituena, eta horrekin iraultza egin dute teknologiaren munduan.
Androide horiek sexurako erabiltzeak abantailak baino ez ditu, sorztaileen iritziz: sexu seguruagoa, haur-prostituzioaren desagerpena, sexu-harremanen bidez kutsatutako gaixotasunak murriztuko lirateke...
Gainera, prostituzio mota horrek bestelako abantaila ere izango du: gizonak bikotekidearen aurrean errudun sentitzea saihestuko du, "robot batekin sexua praktikatzea ez baitute desleialtasuntzat joko".
Haisera batean, Amsterdamen robot baten sexu-zerbitzuak erabiltzea klub berezietan bakarrik izango da posible, 'zerbitzu guztiak barne' sistema erabiltzen dutenetan, hain zuzen.
7.500 euro zerbitzukoHala ere, 'entretenimendu' hori ez da edonoren eskuetan izango; 'zerbitzu' bakoitzagatik 7.500 euro ordaindu beharko baitira. Prezio horren truke, bezeroak androidearen nazionalitatea eta berezitasun morfologikoak aukeratu ahal izango ditu.
Iragan apirilean, Ian Yeoman eta Michelle Mars Zelanda Berriko Wellington Unibertsitateko ikerlariek txosten bat argitaratu zuten "2050 urterako sexu-robotak sexu-harremanen protagonista nagusi" izango zirela esanda.