6 urteko haur bat eskolatik bota dute sexu-jazarpena egotzita

6 urteko haur bat eskolatik bota dute hiru egunez, neskato bati LMFAOren "I'm sexy and I know It" kanta abesteagatik.

Aurorako Sable Lehen Mailako eskolan gertatu da. 6 urteko haurrari sexu-jazarpena egotzi diote eta hiru egunez eskolatik bota dute. Bertako langileek ez dute hitz egin nahi izan, baina eskolako politikarentzat sexuaren inguruko edozein keinu sexu-jazarpena dela esan dute.

Asteazkenean, haurra, gertatutakoaren berri ematen zuen eskolako eskutitz batekin iritsi zen etxera eta ama "zur eta lur" gelditu zen. "Ez da justua", adierazi du eta haurrak oraindik sexu-jazarpena zer den ere ez dakiela esan du.