Datilen eta oliben hezurrak 22,8 metrora jaurti ditu ahoarekin

Demetrio Lopezek 22,8 metroko marka egin du Alacanten datilen eta oliben hezurrak ahoarekin jaurtita, Elxen egindako lehen munduko txapelketan. Ekitaldiak jaurtitzaile onenak bildu ditu.

Markak bi jaurtiketetan (datilen hezurrarena eta olibaren hezurrarena) egindako metroak batzen ditu.

Lehen aldiz, Ciezako (Murtzia) eta Elxeko urteroko txapelketetako jaurtitzaile onenak lehiatu dira.

Marka onenak

Elxeko txapelketetako aurreko lau edizioetako errekorra Francisco Tomas Gomezek dauka. Gomez hiru alditan gailendu da eta 12,90 metroko marka ezarri zuen duela bi urte.

Ciezako txapelketako errekorra, aldiz, Guardia Civil batek egin zuen, 2010eko edizioan, oliba baten hezurra 21,43 metro jaurtita.