9.000 euro ordaindu dituzte bideo-joko batengatik AEBetan

Air Raid bideo-joko futuristagatik 11.650 dolar (8.951 euro) ordaindu dituzte AEBetan, GameGavel bideo-jokoen salmenta lekuan. Ez da bideo-joko horregatik horrenbeste ordaintzen duten lehen aldia. Dirudienez, duela urte asko kendu zuten merkatutik.

Ez da horrenbeste ordaindu den lehen aldia izan Air Raid baten truke. 2010ean, bideo-joko baten kopiak 31.600 dolarrengatik (24.282 euro) saltzea lortu zuen; kutxa batean geratzen zen ale bakarra zen.

Kopia berriak kutxa eta instrukzio-gida zituen. Ezagututako kopia bakarra da, eta enkantean 11.650 dolarreko zifrara iritsi zen.

Saltzeko ardura zuen lekuak alea nola iritsi zen azaldu du: “Lehengo astean Kalifornia hegoaldeko familia batek bigarren pakete osoaren berri izan zuen. Lehenengo kutxa nola saldu zen berri izan ostean, aitak Men-A-Visioneko ordezkari batek joko bat eman ziola gogoratu zuen hark bideo-jokoen drogeria batean lan egiten zuenean”. Dirudienez, denda hark itxi zuenean Atariko bideo-jokoen ‘stock’a langileari bidali zion, eta aitak 30 urtez gorde egin zuen hori.