Krisi Ekonomikoa -
Ez dute jasoko Gabonetakoa
Gipuzkoako Batzarrek urtarrilera aurreratu dute udako ordainsaria
EAEko Auzitegi Nagusiak berretsi egin zuen Gipuzkoako Batzar Nagusietako funtzionarioek Gabonetako ordainsaria ez jasotzea.
Erredakzioa
Gipuzkoako Batzar Nagusietako Mahaiak urtarrilaren 2ra aurreratu du uztaileko aparteko ordainsaria.
Asteazkenean, EAEko Auzitegi Nagusiak berretsi egin zuen Gipuzkoako Batzar Nagusietako funtzionarioek Gabonetako ordainsaria ez jasotzea, Espainiako Gobernuaren dekretua (ordaintzea galarazten duena) lehenetsi behar dela argudiatuta.
Orduan, Lohitzune Txarola Gipuzkoako Batzar Nagusietako presidenteak erabaki judiziala "inposaketa zekena" dela adierazi zuen.
