Krisi Ekonomikoa -
Otsailaren 15etik aurrera
Iberiako sindikatuak bost greba egun deitzea ari dira aztertzen
Langileen eta zuzendaritzaren artean enpresaren berregituraketa adosteko negoziazioek porrot egin dute.
Erredakzioa
Iberiako lurreko eta kabinako tripulazioko langileen sindikatuek "gutxienez bost greba egun" deitzea ari dira aztertzen, enpresaren berregituraketa adosteko zuzendaritzarekin hasi zituzten negoziazioek porrot egin ostean. Greba otsailaren 15etik aurrera izango litzateke.
IAGk (Iberia eta British Airwaysen arteko bat-egitea) akordio batera iristeko eman zuen epea amaitu zenean, atzo, CCOO, UGT, USO, CTA Vuelo, Sitcpla eta Asetma sindikatuek bertan behera utzi zituzten negoziazioak. Konpainiaren azken proposamena "xantaia" zela argudiatuta eten zituzten negoziazioak.
Sei sindikatuek agiri batean azaldu dutenez, "konfrontazioa" da "irtenbide bakarra", eta SIMA arbitraia erakundera joko dute.
