Krisi Ekonomikoa -
Protesta ekitaldia
Greba orokorra deitu dute Sakanan otsailaren 28rako
Eskualdeak bizi duen egoera larria salatu nahi dute deitzaileek; izan ere, lau urtean hirukoiztu egin da langabezia-tasa.
Greba orokorra deitu dute otsailaren 28rako Sakanan. Gaur erregistratu dute greba deialdia Nafarroako Gobernuan eskualdeko hainbat sindikatuk, eragile sozialek, alderdi politikok eta erakundek. Deitzaileek eskualdeak bizi duen egoera ekonomiko larria salatu nahi dute.
Lau urtean hirukoiztu egin da langabeen kopurua, eta 1.800 lanpostu galdu dira.
LAB, EHNE eta STEE-EILAS sindikatuek bultzatu dute greba deialdia, "Sakana ez da itxiko, UPN etorkizuna lapurtzen" lelopean.
Greba deialdiarekin bat egin dute eskualdeko Bildu, Geroa Bai, Ezker Batua eta PSN alderdietako hainbat ordezkarik.
