Krisi Ekonomikoa -
Langile publikoak
Montorok erabilera libreko egun bat itzuliko die funtzionarioei
Egun izapidetzen ari diren lege baten bidez "berehala" egingo dutela aurreratu du Ogasun ministroak.
Erredakzioa
Espainiako Gobernuak erabilera libreko egun bat itzuliko die funtzionarioei, Cristobal Montoro Ogasun ministroak iragarri duenez. "Berehala" egingo dute, egun Parlamentuan izapidetzen ari diren legeetako baten bidez.
Europa Press agentziaren ekitaldi batean, "administrazio publiko guztietako" langile publikoek orain arte egindako "esfortzu handia" aintzatesteko unea dela adierazi du Montorok: "Poztasun bat emango diegu".
Krisia hasi zenetik, funtzionarioei hainbatetan jaitsi diete soldata, eta erabilera libreko hiru egun kendu dizkiete.
