Gobernuak AVErako 'zentzuzko prezioak' iragarriko ditu

Ana Pastor Sustapen ministroak AVErako tarifa eredu berria iragarriko du urtarrilean. Helburua prezioak "arrazoizkoak" izatea da, eta herritarren gehiengoak abiadura handia erabiltzeko aukera gehiago izatea, izan ere, Pastorren hitzetan, zenbaitek ezin ditu abiadura handiko trenak erabili txartelak garestiegiak direlako.

TVEn egindako adierazpenetan, Gobernuaren asmoa AVEren prezioak "lehiakorrak" izatea dela esan du Pastorrek, herritar askok ez baitute AVE "inoiz ere" erabili. Ondorioz, prezioak "doitzeko" beharra ikusi dute.

"Prezioen política berria egin behar dugu eta urtarrilean tarifen eredu berria aurkeztuko dut prezioak lehiakorragoak izateko", azaldu du Sustapen Ministerioko arduradun nagusiak. Halaber, trenen sektorean "emaitza onenak" lortzen dituztenak, abiadura handiko trenak dira.