Ekonomia -
Balizko neurria
Generalitateak aparteko ordainsari bat kendu nahi die funtzionarioei
Kataluniako Gobernuak aurten gutxienez iaz langileetan aurreztutako diru kopuru bera (729 milioi euro) lortu nahi du.
Erredakzioa
Generalitateak aurtengo bere asmoa funtzionarioei aparteko ordainsari baten baliokidea (urteko soldataren % 7) kentzea dela jakinarazi die Funtzio Publikoaren sindikatuei.
Kataluniako Gobernuak aurten gutxienez iaz langileetan aurreztutako diru kopuru bera (729 milioi euro) lortu nahi du, besteak beste, honako neurri hauek hartuz: soldata jaitsiera, erretiroak eta bajak ez babestea, eta bitarteko ahalik eta gutxien kontratatuta.
Meritxell Maso Generalitateko Administrazio eta Funtzio Publikoaren idazkariak azaldu duenez, 2013an ordainsari baten baliokidea kentzea Kataluniako Gobernuak proposatu duen "aukeretako bat da" eta aplikatu daitekeena, "kasua izango balitz, ekainaren aparteko ordainsariaren erdia eta abendukoaren beste erdia".
Halere, Masek nabarmendu du ez dagola "ezer zehaztuta", eta, Generalitateak sindikatuak asteazkenean, 10:00etan, deitu dituela jakinarazi du haien aukeren berri izateko.
