Ekonomia -
Bilera-sortak
Kutxabankeko eta Euskadiko Kutxako presidenteekin bilduko da Urkullu
EAEko egoera ekonomikoa eta politikoa aztertzeko hasitako bilera-sortekin jarraituko du lehendakariak.
Erredakzioa
Iñigo Urkullu lehendakariak EAEko egoera ekonomikoa eta politikoa aztertzeko hasitako bilera-sortei ekingo dio berriro aste honetan. Astelehen honetan, Mario Fernandez Kutxabankeko presidentearekin eta Txomin Garcia Euskadiko Kutxa-Ipar Kutxakoarekin bilduko da.
Hiru lurraldeetako ahaldun nagusiekin, Eudelekin eta Legebiltzarrean ordezkaritza duten alderdiekin bildu ostean, datozen egunetan eragile sozioekonomikoekin bilduko da, horien artean, finantza entitateekin, enpresa erakundeekin eta sindikatuekin.
Astelehen honetan, Kutxabankeko eta Euskadiko Kutxako presidenteen txanda da.
