Ekonomia -
Garraioa
Metro Bilbaoko txartela gaurtik aurrera garestituko da
Igoera 1 eta 3 zentimo artekoa izango da bidaia bakoitzeko. Irailaren 1ean beste igoera bat jasan zuen txartelak, Gobernu zentralak agindutako BEZaren igoera dela eta.
Erredakzioa
Metro Bilbaoko txartela ostegun honetatik aurrera garestituko da. Igoera 1 eta 3 zentimo artekoa izango da. Creditransekin egindako bidaia bakoitzak 2 eta 3 zentimoko igoera izango du. Igoera zonaldeka izango da: horrela, zonalde bakarrerako txartel bakoitza 0,80 eurotan izango da salgai, 0,97 euro bi zonalderako, eta 1,08 euro hiru zonalderako.
Aldizkako txartelak garestienak izango dira: joateko txartelak 1,50, 1,65 eta 1,75 euroko kostua izango du (zonaldearen arabera). Joan-etorriak bikoitza balio izango du: hiru euro, 3,30 eta 3,50 euro. Halaber, familia ugariek orain arte zuten beherapen berdinak izango dituzte: % 20 eta 50 arteko deskontua, kategoriaren arabera.
Metro Bilbaoko txartelak beste igoera bat jasan zuen jada irailaren 1ean, Gobernu zentralak agindutako BEZaren igoera dela eta.
