Ekonomia -
Kontrolerako saioa
Gipuzkoak ezin duela turismoari buruzko tasarik sortu esan du Tapiak
Eskuduntza Jaurlaritzarena dela eta eurek ez dutela holakorik sortzeko "asmorik" azaldu du Ekonomia Garapenerako sailburuak.
Erredakzioa
Arantza Tapia Ekonomia Garapenerako eta Lehiakortasun sailburuak turismoaren inguruko zergarik sortu ezin duela ohartarazi dio Gipuzkoako Aldundiari, eskuduntza Eusko Jaurlaritzaren esku dagoela argudiatuta.
Tapiak Eusko Legebiltzarrean egin ditu adierazpenok, Gobernuaren kontrolerako saioan, Susana Corcuera legebiltzarkide sozialistak egindako galdera bati erantzunda.
Sailburuaren esanetan, Jaurlaritzak ez du tankera horretako zerga bat sortzeko "asmorik", Kataluniako tasa gertutik ezagutzera joan bazen ere.