Rajoy: 'PSOErekin adostutako itunarekin Espainiak irabazten du'

PSOErekin Europako gaietan lortutako akordioaren garrantzia azpimarratu du Mariano Rajoy Gobernuko presidenteak. Exekutiboko agintariaren hitzetan, itunarekin "Espainiak eta Espainiako herritarrek irabazten dute", fidagarritasun eta konfiantza handiagoa eskaintzen dituztelako.

Ia bi ordu eta erdiko iraupena izan du Alfredo Perez Rubalcabarekin izandako bilerak. Europara elkarrekin joatearekin Espainiaren interesak hobeto defendatuko dituztela uste du Gobernuko presidenteak.