Argindarra % 3,1 garestituko da urrian

Argindarraren oinarrizko prezioa % 7,6 igotzea erabaki dute azken baliabideko enpresen arteko enkantean, eta, horrenbestez, argindarraren tarifa % 3,1 igoko da datorren hilabetean, alorreko iturriek jakitera eman dutenez.

Enkante horietan, azken baliabideko tarifa elektrikoaren baitan, energiaren prezioa erabakitzen da, baina erabiltzaileak jasotzen duen tarifan % 50eko pisua besterik ez dauka. Tarifaren beste erdia Espainiako Gobernuak zehaztu behar du, eta, oraingo honetan, prezioa izoztea erabaki du.

Igoera berri horren ondorioz, iazko urtarriletik % 8 igo da argindarraren tarifa. 2013ko urtarrilean %3eko gorakada erabaki zuten, % 1,2koa ekainean eta % 3,2koa abuztuan. Apirilean, berriz, % 6 jaitsi zuten argindarraren prezioa.