Ekonomia -
Pentsioen erreforma
PPk atzera bota ditu osoko zuzenketa guztiak
Oposizioko alderdiek erreforma Konstituzioaren aurkakoa dela salatu dute, Kongresuan.
Erredakzioa
Diputatuen Kongresuak atzera bota ditu oposizioak pentsioen erreformaren aurka aurkeztutako zortzi osoko zuzenketak, PPren botoekin.
Fatima Bañez Lan ministroaren esanetan, "itsasontzia ez da hondoratuko", eta "leialtasuna izatea eta arduraz jokatzea" eskatu dio oposizioari.
Osoko zuzenketak PSOEk, IU-ICV-CHA taldeak, UPyDk, CiUk, EAJk, BNGk, Amaiurrek eta ERCk aurkeztu dituzte, baina PPk aurka bozkatu du.
Oposizioko alderdiek Toledoko Itunaren baitan akordioa lortzeko deia egin diote Espainiako Gobernuari, eta erreforma Konstituzioaren 50. artikuluaren aurkakoa dela salatu dute. Pentsioak noizbehinka gaurkotu behar direla ezartzen du artikulu horrek.
