Ekonomia -
Erreforma
Gobernuak kontratu finkoetarako 'tarifa-laua' onartu du
Hiru laguntza tarte izango ditu: 100, 75 eta 50 euro. Urte amaierara arte egongo da indarrean, eta otsailaren 25a baino lehen kaleratzeak egin dituzten enpresek etekina atera ahal izango diete.
Erredakzioa
Ministroen Kontseiluak kontratu finkoetarako 'tarifa laua' erregulatzen duen Lege-Dekretua onartu du ostiral honetan, Mariano Rajoy Gobernuko presidenteak Nazioaren Eztabaidan iragarri zuen moduan.
Halere, gaur onartutako arauak berrikuntza batzuk dakartza presidenteak aurreratutakoaren inguruan. ‘Tarifa lauak’ hiru zati izango ditu, lanaldiaren iraupenaren arabera. Hilean 100 eurokoa izango da denbora osoko kontratazioentzat, 75 eurokoa lanaldi osoaren % 75eko denbora partziala duenean langileak, eta 50 eurokoa lanaldi erdia dutenentzat. Denbora partzialaren kasuan, ekimen horrek ez die ordu estrei eta osagarriei eragingo.
Neurria urte amaierara arte egongo da indarrean, eta otsailaren 25a baino lehen kaleratzeak egin dituzten enpresek etekina atera ahal izango diete. Halere, Lan Ministerioak jakitera eman zutenez, luzatu egin ahal izango da, emaitzak egokiak izanez gero.
Asteartetik indarrean dagoen neurri honen bitartez, langile bat kontratatzen duen edozein enpresak eta autonomok tarifa hori ordainduko du lehenengo bi urteetan, kontratazio hori lanpostuak sortzea baldin bada, langile kopurua haztea, eta lanpostu maila datozen hiru urteetan mantentzen bada.
