Kalitatezko osasun sistema publiko baten aldeko manifestazioa, Iruñean

Nafarroako Osasun Plataformak eta Udal Lege Ekimenak deituta, milaka pertsonak protesta egin dute larunbat honetan, Iruñean, kalitatezko osasun sistema publiko bat eskatzeko eta Nafarroako Gobernuaren murrizketak eta erreformak kritikatzeko.

Nafarroako herritarrek pairatzen duten "asistentziaren kalitatearen atzerakadak", itxaron zerrenden areagotzeak, larrialdietako "kolapsoak" eta hitzorduen atzeratzeak "nekazal guneetako larrialdietako asistentziarekin amaitu ahal izatea" izan da, batik bat, ekimena antolatzeko arrazoi nagusia.

Horrez gain, Legebiltzarrak (UPN, PP eta PSNren babesarekin) Herri Lege Ekimenak aurkeztutako eta 170 Udalek babestutako proposamena baztertzea kritikatu du manifestazioak. Proposamen horren helburua nekazal guneetako zerbitzuen antolaketa hobetzea zen.

Bi mila lagun bildu dira ekitaldian, udaltzaingoaren arabera, eta lau mila. antolatzaileen esanetan. Gaztelu plazara iritsi direnean, "desberdintasun sozialekin bukatzeko osasun sistema" baten aldeko adierazpen bat irakurri dute.