Ekonomia -
Apirileko datuak
Inflazioa % 1 igo da Euskadin eta urte arteko KPIa % 0,6ra iritsi da
Estatuan Kontsumorako Prezioen Indizea % 0,9 igo da azken hilabetean, eta urte artekoak bost hamarren egin du gora (% 0,4an jarri da).
Erredakzioa
Urte arteko inflazioa lau hamarren igo da apirilean Euskal Autonomia Erkidegoan eta % 0,6an kokatu da. Balearretan ere % 0,6ra iritsi da, Ceuta eta Kataluniaren azpitik (% 0,7), gaur Estatuko Estatistika Institutuak jakitera emandako datuen arabera.
Urteko lehen lau hilabeteetan prezioek % 0,2 behera egin dute EAEn, baina iazko apirilarekin alderatuz % 1 igo dira.
Lurraldeka, inflazio handiena Bizkaikoa izan da (% 0,7), ondoren Gipuzkoakoa (% 0,6) eta, azkenik, Arabakoa (% 0,5)
Estatuan Kontsumorako Prezioen Indizea % 0,9 igo da azken hilabetean, eta urte artekoak bost hamarren egin du gora (% 0,4ean kokatu da). Batik bat, Aste Santuko prezioen ondorioz gertatu da igoera.
Igoera horren ondorioz, urte arteko indizea emaitza positiboetara itzuli da.