Hipotekak %22 jaitsi ziren EAEn, martxoan

Martxoan, etxebizitza salerosketak behera egin zuen EAEn. %21,9 jaitsi ziren eta Estatuan %2 egin zuen gora. Lehen igoera izan da azken lau urteotan.

Espainiako Estatistika Institutuak eskainitako behin-behineko datuen arabera, martxoan, 991 hipoteka sinatu ziren etxebizitzak erosteko. Otsailarekin alderatuz, %8,9 egin zuen behera, eta 2013ko martxoarekin konparatuz, %21,9.

Hipoteketan utzitako kapitala 126,8 milioi euro izan da, iragan urteko hilabete berean baino %14,6 gutxiago, baina otsailarekin alderatuz, %2,8ko igoera dakar.

Aurreko hilabetearekin alderatuz, hipotekak gehien jaitsi direnen artean, bosgarren tokian dago EAE. Nafarroa dago gorenean, urteko datu negatiboei dagokienez (-31,8), gero Madrilgo erkidegoa (-21,4), Extremadura (-%16,9), Murtzia (-%9,4) eta EAE (-%8,9).

Gainera, martxoan 1.383 hipoteka ordaintzen amaitu ziren; horietatik 845, etxebizitzak eskuratzeko. Datu negatibo horiek kontrastea dakarte Estatuan gertatu denaren aldean: han, etxebizitzak erosteko 16.625 hipoteka sinatu ziren, 1.702,3 milioi eurotan.

Martxoan kapital gehien mugitu zuten erkidegoak Madril (387,4 milioi euro), Andaluzia (282,3 milioi) eta Katalunia (276,9 milioi) izan ziren.