Jaurlaritzaren politikek elkarrizketa soziala ekiditen dutela dio ELAk

ELA sindikatuak Eusko Jaurlaritzak proposatutako elkarrizketa sozialeko mahaian parte hartzeari uko egin dio berriro astelehen honetan, Jaurlaritzaren "doikuntza estrukturalaren" politikek prozesua "galarazten" dutela uste izanda; zentralak "karkasa guztiz hutsarekin" alderatu ditu.

Elkarrizketa soziala berreskuratzeko aukerak aztertzeko ELAren eta Eusko Jaurlaritzaren ordezkarien bileratik astebete pasatu denean, sindikatuko arduradunek, Adolfo Muñoz "Txiki" idazkari nagusia buru izanda, gai honi buruzko jarrera zein den zehazteko dokumentu bat publiko egin dute, Bilbon.

"Elkarrizketa soziala nahi dugu, baina ez dago ", esan du "Txiki" Muñozek. EAJren Gobernuak mugimendu sindikalak politika antisozialei "estaldura" ematea bilatzen duela uste du.

Haren hitzetan, "ezinezkoa da elkarrizketa soziala dela ondorioztatzea, politikak doikuntza estrukturalak direnean, erreformak lan eta gizarte eskubideak kentzea eta zeure eskubideak babesteko tresnak kentzea bilatzen ari direnenean".

"Zuen politikek soziala eta laborala hondatzen duten testuinguru honetan, mugimendu sindikala zuekin mahai batean eseri eta ibilbide honetan bat egitea nahi duzue?", esan du.

ELAren ustez, "eskubiderik gabeko" lan-merkatu baterako "trantsizio fasean" sartu gara, eta Eusko Jaurlaritzak Euskal Herrira "estatuko –soziolaborala- eredua" "zabaltzen" duela gaineratu du. "Ez dio gaitzespenik egiten patronalari" eta politikak aldatzeko "nahi" falta du, nabarmendu du.