HKEE:'Eusko Trenbideak-ek legea urratu zuen 2012an 70 kontratu eginda'

Herri Kontuen Euskal Epaitegiak (HKEP) ondorioztatu duenez, Eusko Trenbideak-ek (Eusko Jaurlaritzak babestuta dagoen enpresa publikoa) Legea urratu egin zuen 2012an, 70 langileri kontratu mugagabeak egitean, urte horretako Aurrekontu Orokorrek horren moduko enpresek pertsonal berria kontratatzea debekatu zuen arren.

HKEPek enpresa eta sozietate publikoen 2012ko kontuen inguruan egindako txosten batean jasotako ondorioa da. Jaurlaritzak % 50 baino gehiagoko parte-hartzea duen enpresen kontuak aztertzen ditu organoak.

Txostena aho batez onartu dute eta, bertan ondorioztatu dutenez, legearen arabera, "finantza jarduera ekonomikoa legea beteta egin zuten", "zenbait salbuespenekin", HKEPak bidalitako ohar baten arabera.

Aurrekontuen inguruko atal batean, sozietate publikoek pertsonal berria kontratatzea debekatuta zutela adierazi dute, "aurreko deialdietakoak izan ezik edo urteanitzeko programa baten parte badira, lege berria indarrean sartu aurretik egindakoak".

Halaber, Auzitegiak jaso duenez, sozietateak "ez ditu bete edo ezin da frogatu bete dituela berdintasun, meritu eta gaitasun irizpideak, behin betiko kontratuak dituzten bi langileren kasuetan eta behin behinekoak dituztenen hiruren kasuetan".

Gainera, Eusko Trenbideak-ek eta STC-ELSk "publizitaterako bost kontratu esleitu zituzten iragarri barik".