Victor Ibarreche izango da Elkargiren zuzendari nagusi berria

Elkargiren Administrazio Kontseiluak Victor Ibarreche izendatu du, aho batez, zuzendari nagusi berri. Elkargik Administrazio Kontseiluaren bilera egin du arratsaldean, eta bertan onartu du izendapen berria.

Victor Ibarrechek uztailaren 1ean ekingo die eginkizun berriei. Orain arte, hainbat kargu izan ditu Elkargiren barruan; besteak beste, Elkargiren Bizkaiko lurralde zuzendaria izan da zenbait urtez, eta baita Euskadiko Arrisku Kapitala Kudeatzeko Sozietatearen zuzendari ere.

Administrazio Kontseiluaren bileran, Elkargiren sendotasuna eta kaudimen maila ona azpimarratu dituzte. Enpresa txiki eta ertainak finantzatzeko baldintzak erraztu eta hobetzeko helburuarekin sortu zen Elkargi orain dela 34 urte.