Elkargoko lanbideen kopurua 80tik 38ra murriztuko du Gobernuak

Elkargoko egitea derrigorrezkoa izango den lanbideen kopurua murriztuko du Espainiako Gobernuak; izan ere, gaur egun 80 dira eta 38 izatera pasako dira. Horrela, ogibide juridiko eta tekniko batzuk zerrendatik at geratuko dira.

Zerbitzu eta elkargo profesionalen lege aurreproiektua ezagutzen duten iturrien arabera, elkargoetan izena emateko kuota kenduko dute eta urteko kuotak ez ditu 240 euroak gaindituko, baina elkargoaren batzarreko hiru bostenek igotzea erabaki dezakete. Aurreproiektua ostiral honetan aztertuko du Ministroen Kontseiluak.

Gainera, derrigorrezkoak diren elkargo profesionalek langabezian dauden kideei % 75eko beherapenak egin beharko dizkiete kuotetan. Era berean, elkargoaren asegurua kontratatzea eskatzerik ez dute izango.

Horrela, medikuek, dentistek, botikariek, albaitariek, erizainek, fisioterapeutek, podologoek, optikariek, biologoek, fisikariek, kimikariek, geologoek, psikologoek, arkitektoek, arkitekto teknikoek, abokatuek, prokuradoreek, gizarte-graduatuek, notarioek, jabetzaren eta merkataritzako erregistratzaileek, eta ingeniari teknikoek elkargoan izena eman beharko dute.