Ekonomia -
30 milioi euroko isuna
Opor fiskalen aurrean tentuz aritzeko eskatu du Erkorekak
Eusko Jaurlaritzako bozeramaileak "tramitazioa oztopatu dezaketen adierazpen aldebakarrik" ez egiteko defendatu du.
Erredakzioa
Josu Erkoreka Eusko Jaurlaritzako bozeramaileak opor fiskalen kasuan "tentuz" aritzeko eskatu du, Europar Batasunak ezarritako isunaren inguruan Ogasun Ministerioak zigorra banatzeko egindako proposamena ikusi eta gero.
Cristobal Montororen Ministerioaren arabera, Arabako Aldundiak zigorraren % 65,85a ordaindu beharko luke, Bizkaiak % 21,29a eta Gipuzkoak % 12,86a, lurralde bakoitzak 90. hamarkadan enpresei emandako laguntza fiskalen arabera. Laguntza horiek ilegaltzat jo ziren gero.
Erkoreka kazetarien aurrean mintzatu da gai horren inguruan, Donostiako Udako Ikastaroetan parte hartu aurretik. Bozeramaileak "opor fiskalen tramitazioa oztopatu dezaketen adierazpen aldebakarrik" ez egiteko eskatu du; izan ere, "indarrean dagoen araudiaren arabera, Gobernu zentralari dagokio afera bultzatzea eta konpontzea".
