Ekonomia -
Zumarraga
Arcelorreko langileen Batzordea eta Zuzendaritza, bilduta
Enpresaren behin behineko itxieraren nondik norakoak zehaztuko dituzte bi aldeek. Urriaren 1etik aurrera, lantegi horretako 375 langile lan barik geratuko dira.
Erredakzioa
Zumarragako Arcelor Mittal enpresako langileen Batzordea eta Zuzendaritza 16:00etatik aurrera bilduta daude, urriaren 1ean hastekoa den behin behineko itxieraren nondik norakoak zehazteko asmoz.
Enrique Baretta Gipuzkoako Metalgintza sektoreko enpresen CCOO sindikatuaren ordezkariak Europa Press albiste agentziari esan dionez, Batzordea osatzen duten ordezkari sindikalak gaur goizean bildu dira enpresari eskatuko diotena adosteko.
Aurreko ostiralean sindikatuek zabaldu zutenez, Zuzendaritzak modu ofizialean jakinarazi dio sindikatuari Zumarragako planta -375 langilerekin- urriaren 1etik aurrera itxiko dutela.
Bestalde, Arcelor Mittalek baieztatu egin zuen Zumarragako planta bideragarri egiteko zenbait aukera aztertzen ari dela eta, helburu hori lortzeko, "bide guztiak agortuko" dituela ziurtatu zuen. Enpresaren arabera, merkatua "oso ahul" dago eta "kostu energetiko handiak" dituzte.
Jaurlaritza, kexu
Juan Maria Aburto Enplegu eta Gizarte Politiken sailburuaren esanetan, Jaurlaritzak "kezka handiz" bizi du Arcelor Mittalen egoera.
Auburtok esan dueenz, lantegi horretako egoerak "ehunka familiengan" eragingo du eta, momentuz, berak gidatutako Sailak ez du bilerarik zehaztu langileekin.
