Bankuek eurek erabakiko dute bezeroei komisioa kobratu ala ez

Espainiako Gobernuak errekarguak mugatzeko lege-dekretua onartu ondoren, finantza erakundeek eurek erabakiko dute beste banku bateko kutxa automatikoetatik dirua ateratzeagatik bezeroei gainordaina kobratu ala ez.

Errege-dekretua Estatuko Aldizkari Ofizialean argitaratuko dute larunbat honetan. Bezero batek dirua beste banku bateko kutxa automatiko batetik ateraz gero, horren finantza erakundeak, txartelaren jaulkitzaile gisa, errekargua kobratzeko eskubidea izango du.

Horrela, bezero ez den entitateak gainordaina kobratzeko aukera desagertzen da, nahiz eta Caixabankek hori eskatu. Halere, bezeroaren bankuak errekargua kobratzeko aukera izango du, beste baten kutxa automatikoa erabiltzen baldin badu.

Bezero ez den pertsona batek erabilitako kutxaren jabeak zerbitzu tasa bat eska diezaioke banku lehiakideari, haren bezeroei eskudirua ematearen truke.

Azken batean, errekargu bakarra izango litzateke bezeroarentzat, komisio bezala. Bezeroaren bankuak, kutxak edo kreditu kooperatibak berak kobratuko lioke, Ministroen Kontseiluak gaur adostu duenez.