Prezioek behera egiten jarraitzen dute Espainiako Estatuan

Kontsumorako prezioen indizeak (KPI) behera egin zuen irailean, bigarren hilabetez jarraian, Espainiako Estatuan, urteko tasak % 0,9 egin baitzuen behera, Espainiako Estatistika Institutuak jakitera eman duenez.

Etxebizitza eta elektrizitatea izan ziren tasa murrizten gehien lagundu zutenak, lehenengoaren prezioak % 4,4ko merkatzea izan zuen eta.

Garraioak ere izan zuen eragina, tasa % 6,4 jaitsi zelako, erregaien eta lubrifikatzaileen merkatzearen ondorioz.

EAEn jaitsi zen gutxien urteko tasa (% 0,5), abuztuan baino hiru amarren gutxiago.