Ekonomia -
Gasteizen
Sindikatu abertzaleek pentsio erreformaren aurka protestatuko dute
ELA, LAB, ESK, STEE-EILAS, EHNE eta HIRU sindikatuek manifestazioa egingo dute 'Erreformen aurrean, langileok eredu berri bat. No más recortes de nuestros derechos sociales y laborales' lelopean.
Erredakzioa
Gehiengo sindikalak, ELAk, LABek, ESKk, STEE-EILASek, EHNEk eta HIRUk indarrak bilduko dituzte gaur Gasteizen Zapateroren Exekutiboak proposatzen duen pentsio erreformaren aurka protesta egiteko.
Goizeko 10:00etan delegatuen batzarra abiatuko da Mendizorrotzan eta ondoren, ELAk, LABek, ESKk, STEE-EILASek, EHNEk eta HIRUk Gasteizko kaleak hartuko dituzte ''Erreformen aurrean, langileok eredu berri bat. No más recortes de nuestros derechos sociales y laborales'' lelopean.
Ajuria Enean bukatuko da manifestazioa eta ELAko idazkari nagusia, Adolfo Muñoz eta LABeko burua, Ainhoa Etxaide izango dira bertan.
UGTk eta CCOOk aurreko astean egin zuten pentsio erreformaren aurkako manifestazioa.
