Ekonomia -
EZBEHARRA
Gizon bat hil da Zamudion, bere traktoreak harrapatuta
10:30 inguruan izan da ezbeharra, Sandoni auzoan. Traktorearekin lanean ari zela, ibilgailutik jaitsi da gizonezkoa, eta tokian bertan zendu da, harrapatuta.
AGENTZIAK | ERREDAKZIOA
Gizon bat hil da, goizean, Zamudion, bere traktoreak harrapatuta. Sandoni auzoko nekazal-eremu batean ari zen lanean, adar batzuk toki batetik bestera eramaten traktorearekin.
Eusko Jaurlaritzako Segurtasun Sailak jakitera eman duenez, ibilgailutik behera jaitsi da, garraiatzen ari zen adarrak zuzen jartzera, eta hori egiten hasi denean, traktoreak harrapatu egin du. Kolpearen ondorioz, tokian bertan hil da.
10:30 inguruan izan da ezbeharra. Osasun zerbitzuetako langileak eta suhiltzaileak joan dira istripuaren tokira.
Hau zure interesekoa bada, baliteke beste gai hauek ere izatea