British Airwaysek bederatzi hegaldi bertan behera utzi ditu

British Airwayseko hegazkineko laguntzaileen hirugarren lanuzte egunaren ondorioz, Espainia eta Londres arteko bederatzi hegaldi bertan behera utzi dituzte, konpainia britaniarrak aditzera eman duenez.

Iberiarekin aurki fusionatuko da British Airways eta bere langileak, soldatak bere horretan uzteagatik eta distantzia luzeetako airelineetan langileak gutxitzeagatik protesta egin dute.

Bertan behera utzi dituzten hegaldiak eta kaltetutako aireportuak honakoak dira: Madril-Barajas (lau hegaldi joan eta etortzeko), Bartzelona-El Prat (hiru joateko eta beste horrenbeste etortzeko), eta bi Malagako aireportuan (joan eta etortzeko bina).

Dena den, zenbait langile lanera joan direla eta arrisku planek ondo funtzionatu dutela adierazi dio konpainiak Europa Pressi.

Horrez gain, grebagatik kaltetutako bezeroak itzuleran ekarri ahal izateko bidaiariak eta zama garraiatzeko hegaldiak jarri dituzte.

Gaur bukatuko da hegazkineko laguntzaileen lehen lanuzteen txanda eta, martxoaren 27tik 30era lanuzteei ekingo diete berriz.