Ekonomia -
Emaitzak
Espainiako bankuek 10.389 milioi irabazi zituzten 2015ean
Besteak beste, BBVA, Santander eta Sabadell banketxeek osatzen duten elkartearen arabera, hirugarren urtea da irabaziak dituztena.
Agentziak | Erredakzioa
Espainiako banketxeek 10.389 milioi euroko irabaziak izan zituzten 2015ean, aurreko urtean baino % 5,6 gehiago. Dagoeneko hiru urte dira bankuek irabaziak dituztena (2012an, galerak izan zituzten). Datuok Jose Maria Roldan Espainiako Bankuen Elkarteak eman ditu gaur.
Agerraldian, 2015ean banku-negozioaren ohiko marjinei eutsi ahal izan dietela nabarmendu du Roldanek. Hala, interes-marjinek joera positiboa izan zuten iaz, eta batez besteko aktiboen % 2,2koa izan ziren, interes-tasa txikiak gorabehera.
Berankortasun-tasari dagokionez, puntu bat jaitsi zen, % 6,2ra arte. Hori horrela, hornidura eta saneamendu gutxiago behar izan zuten finantza erakundeek. Estatuko kreditu-operazioek gora egin zuten, banakakoak % 25 eta enpresa txikienak, % 15 hazita.
Espainiako Bankuen Elkarteak Estatuko zein atzerriko finantza talde garrantzitsuenak biltzen ditu, BBVA, Santander eta Sabadell, tartean.
