Ekonomia -
Krisiaren kontrako neurriak
PPk eta CiUk pentsioen gelditzearen kontra agertu dira
PPren ustez, "helduekin solidario izan behar gara". CiUk ez dauka argi Zapateroren neurriak babestuko dituen edo ez, baina pentsioen gelditzea ukatu du. Ebren ustez, greba orokorra "ziurtatuta dago".
Erredakzioa
PP
Maria Dolores de Cospedal Ppko idazkari nagusiak adierazi duenez, bere alderdiak pentsioen gelditzearen kontra botoa emango du eta kooperazio eta garapen aurrekontua murriztuz berdintzea proposatu du, herrialde bat solidario izan dadin, "lehenengo gure helduekin izan behar garelako".
Jose Luis Rodriguez Zapatero Gobernuko presidentea kritikatu du ere, neurriak pentsiodunei eta funtzionariei ezartzeagatik, "Espainiako espaloi eta parke guztiak altxatuta daudenean".
PPko agintariak ez kezkatzeko eskatu die espainiarrei, PPk hauteskundeak irabazten dituenean "diru-kutxa berriz bete" eta pentsioak Espainia osoan bermatuko dituelako.
CiU
Josep Antoni Duran i Lleida Kongresuan CiUren taldeko presidenteak esan duenez, bere alderdiak ez daki oraindik Zapaterok proposatutako neurriak babestuko dituzten ala ez, baina pentsioen gelditzearen aurka agertu dira.
Duranen ustez, Gobernuaren plana "gutxiegia" da ekonomia berraktibatzeko eta lanpostuak sortzeko neurririk ez duelako. Gainera, "lanposturik ez dagoenean ez dago etekinik".
IU
Cayo Lara Ebko koordinatzaile nagusiarentzat "greba orokorra ziurtatuta dago" Zapaterok krisiaren kontrako neurriak mantenduz gero, baina ez dute greba eguna ezarriko sindikatu antolatzaileek erabaki arte.
"Gobernuak bere politikekin atzera egin eta bankari eta aberatsenei zergak igoko dienaren ametsa dut", esan du Larak.