Ekonomia -
Balantzea
Santanderren etekinak % 32 egin du behera lehen seihilekoan
Hala eta guztiz ere, 2.911 milioi euroko irabaziak izan ditu.
agentziak | erredakzioa
Santander bankuak 2.911 milioi euroko etekinak izan ditu urteko lehenengo sei hilabeteetan, aurreko urteko epe berean baino % 32 gutxiago. Aparteko emaitzetan izandako beherakada eta hainbat herrialdetako monetaren balio galerak izan omen dira emaitza horiek eragin dituztenak.
368 milioi euro garbiko galera izan zuen aparteko diru-sarreretan bigarren hiruhilekoan, eta iaz 835 milioiko irabaziak izan zituen, Brasilgo egoeragatik bereziki.
Gainera, berregituraketa prozesuaren baitan, 475 milioi euro gastatu omen zituzten bigarren hiruhilekoan, eta 120 milioi euro eman behar izan zizkioten Europako Erresoluzio Funtsari. Bestalde, 227 milioi euroko plusbalioa lortu zuen Visa Europako akzioen salmentatik.
