Ekonomia -
Eurostat
Langabezia % 20,5era igo da Espainian
Eurogunean egonkor jarraitzen du % 10,1ean maiatzetik. Europar Batasunean, langabeziak % 9,6an daramatza azken zazpi hilabeteak.
Erredakzioa
Euroguneko langabezia tasa egonkor mantendu zen iragan abuztuan % 10,1ean (maiatzetik ez da aldatu), baina Espainiako Estatukoak gora egin zuen berriro eta % 20,5era iritsi zen, Eurostat EBko estatistika bulegoak gaur argitaratu dituen datuetan agertzen denez.
Europar Batasun osoa kontuan izanda, langabezia % 9,6an geratu zen zazpigarren hilabetez jarraian, aipatu iturriaren arabera.
Espainian, langabeziak % 0,2 egin zuen gora uztailetik abuztura eta % 20,5era iritsi zen. 27etako tasa altuena du Espainiak eta Euroguneko batez bestekoaren bikoitza da.
2009ko abuztuan, Euroguneko herritarren % 9,7 zegoen langabezian, % 9,2 Europar Batasunean eta % 18,7 Espainian.
