Ekonomia -

LANGABEZIA DATUAK

Langabeziak behera egin du urrian EAEn, eta gora Nafarroan

Guztira, 165.375 langabe zenbatu dituzte Hego Euskal Herrian, urrian.

Guztira, 165.375 langabe zenbatu dituzte Hego Euskal Herrian, urrian. Artxiboko argazkia: EiTB
Guztira, 165.375 langabe zenbatu dituzte Hego Euskal Herrian, urrian. Artxiboko argazkia: EiTB

AGENTZIAK | ERREDAKZIOA

Whatsapp Facebook Twitter Telegram Email

Hego Euskal Herriko enplegu zerbitzu publikoek irailean baino 1.966 langabe gutxiago zenbatu dituzte urrian, Espainiako Lan Ministerioak gaur argitaratutako datuen arabera. Guztira, 165.375 langabe zenbatu dituzte Hego Euskal Herrian, urrian.

Euskal Autonomia Erkidegoko (EAE) enplegu zerbitzuek irailean baino 1.990 langabe gutxiago zenbatu dituzte urrian, % 1,51 gutxiago. Autonomia Erkidegoen artean urrian jaitsierarik handiena izan duena da.

Guztira, 130.056 langabe zenbatu dituzte EAEn, astearte honetan Espainiako Lan eta Gizarte Segurantza Ministerioak zabaldutako datuen arabera. 2016ko urriko datuekin alderatuta, 11.125 langabe gutxiago daude EAEn, % 7,88 gutxiago.

Nafarroari dagokionez, 24 langabe gehiago zenbatu dituzte aurtengo urrian, irailarekin alderatuta. Guztira, 35.319 langabe zenbatu dituzte Foru Erkidegoan, urrian.

2016ko urriko datuekin alderatuta, 3.377 langabe gutxiago daude Nafarroan. Urtebetean, hortaz, % 8,73 jaitsi da Foru Erkidegoan.

Espainiako datuei begiratuta, aurreko hilabetean baino 56.844 langabe gehiago zenbatu dituzte urria bukaeran. Azken 12 hilabeteetan, 297.956 pertsonak aurkitu dute lana.

 

 

Hau zure interesekoa bada, baliteke beste gai hauek ere izatea
Langabezia Espainian Albisteak Nafarroa Euskal Autonomia Erkidegoa albisteak Lana albisteak Ekonomia berriak Gaurko azken ordukoa