Euskal merkataritzak ez du baikor aurre egiten urte amaiera

Euskadiko Merkataritza Ganberetako lehendakariak, Pedro Esnaolak, txikizkako euskal merkataritzaren aurreikuspenak ez direla baikorrak ziurtatu du, salmentetan "deselerazio" bat eman delako; beraz, Euskadiko enpresen %32k urte amaierarako salmentak jaistea aurreikusten dute. Hala ere, emaitzak zerbait hobetzea espero da 2009ko epe berdinerako.

Donostian prentsaurreko batean, Esnaolak, Euskal Merkataritzaren XII Astea aurkeztu du ''Merkataritza, Euskadiren erakusleihoa'' lelopean. Horrek, datorren astelehenetik urriak 30era arte, erakustoki eta saltokien garrantzia aztertuko du Euskadiko hiru hiriburutan.

Euskadiko Merkataritza Ganberetako lehendakariak azaldu duenez, salmentak "ziklikoak" dira eta "deselerazio" bat jasan duen BPG-ren portaerari lotuta daude, hori kontsumoan islatu da. Gainera, 2011rako, salmentek aurtengoa baino "hazkunde handiagoa" izatea espero duela esan du.

Euskal Merkataritzaren Astea

Euskal Merkataritzaren XII Asteari dagokionez; lehenengo lanegunean, urriak 26 Donostian, ''Gune jasangarrirako aukera''-ri buruz hitz egingo dute, merkataritzaren eszenaratze "egokia" lortzeko proposamenak aurkeztuz, azaldu du Euskal Merkataritzaren lehendakari Pedro Esnaolak.

Egun bat beranduago Bilbon, ''Zure saltokia sentipenekin estali ezazu'' lelopean, salerosketen diseinuei gauza berriak eskaintzea bilatuko dute eta hirugarren jardunaldia, Gasteizen urriak 28an, erakusleihoa, ikuskizunerako sarrerako kartela bezala, oinarrituko da, "Saltokia, antzertiaren lekua " leloarekin.

Erakusleihoak

Erakusleihoen egitasmo hauek datorren astelehenean egingo dira aldi berean hiru hiriburuetan eta azaroak 2ra arte dagokien saltokietan jarraituko dute. Esnaolak, merkataritzaren sektorea kontsumitzaileak jasaten ari diren aldaketen jakinaren gainean dagoela nabarmendu du, bereziki, "konektibitatearen eztandaren" ostean, horrek, erosteko modu berriak ekarri dituelarik.

Esnaolaren iritziz, gertakizun honek kontsumitzaileek euren iritziei eustea eragin du eta dendak "erantsitako balioa eskaintzen duten sentipen eta zirraren edukiontzi" bezala lantzera behartzen du, erakargarriago egiteko hauek. "Bizipen eta zirraren plusak bezeroen fideltasuna dakar", adierazi du.