Gipuzkoako enpresak "normaltasunetik urrun" daudela esan du Adegik

Adegi patronalaren ustez, Gipuzkoako enpresak oraindik "normaltasunetik urrun" daude, azkeneko hilabeteetan hobera egin duten arren. Halaber, urtea ixterakoan BPG nuloa izango dela esan ostean, Gipuzkoan susperraldi ekonomikoa Bizkaian eta Araban baino beranduago etorriko dela gaineratu du.

Hori da Eduardo Zubiaurre Adegiren presidenteak, Jose Miguel Ayerza idazkari nagusiak eta Patxi Sasigain Berrikuntza eta Lehiakortasun zuzendariak Egoera Ekonomikoaren Inkestaren aurkezpenean zabaldutako ondorioetako bat.

Gipuzkoako patronalaren arduradunek adierazi dutenez, merkatuen egoerarekin alderatuta egonkortasun handia dagoela uste dute enpresa gipuzkoarrek; eta uste horrek hobera egiten jarrai dezala espero du patronalak, irailean egindako inkesta honetan oinarrituta.

Zubiaurreren hitzetan, enpresen % 71k aurreko apirilean baino gutxiago edo berdina fakturatu dute; beraz,&' || 'nbsp; % 2 hazi da fakturazioa, aurreko bi urteetan % 25eko beheranzko joera izan ondoren