Ekonomia -

LAN ISTRIPUA

Langile bat hil da Artean, altueratik erorita

Lan istripua 08:20an gertatu da mekanizazio enpresa batean.

Mekanizazio enpresaren kanpoaldea, Artean (Bizkaia). Irudia: EiTB
Mekanizazio enpresaren kanpoaldea, Artean (Bizkaia). Irudia: EiTB
Mekanizazio enpresaren kanpoaldea, Artean (Bizkaia). Irudia: EiTB

AGENTZIAK | ERREDAKZIOA

Whatsapp Facebook Twitter Telegram Email

Derioko 48 urteko langile bat hil da Arteako enpresa batean, altueratik erorita, Eusko Jaurlaritzako Segurtasun Sailak jakinarazi duenez.

Lan istripua 08:20an gertatu da mekanizazio enpresa batean, eta, oraindik argitzeke dauden arrazoiak tarteko, langilea altueratik erori da.

Langilea Gurutzetako ospitalera eraman duten arren, hil egin da.

Sindikatuek ikerketa bat eskatu dute

Industria de Mecanizado Germany, S.A. (IMG) enpresan gertatutako lan-istripu larria salatu dute ELA eta LAB sindikatuek. Hildako beharginari elkartasuna adierazteko, IMGko langileek 24 orduko lanuztea egingo dute asteazken honetan. Era berean, elkarretaratzea egingo dute lantegiaren aurrean, 12:30ean.

Gertatukoa argitzeko eta erantzukizunak zehazteko ikerketa bat eskatu du ELAk.

Bestalde, LABek hurrengoa galdetu du: “Nola da posible urtea hasi denetik Euskal Herrian 16 langile hiltzea? Gure iritziz, pairatzen dugun sarraskia prekarizazioaren ondorioa da; lanean gertatzen diren heriotzak prekarietatearen adierazpen krudelenak dira”.

 

 

Hau zure interesekoa bada, baliteke beste gai hauek ere izatea
Lan-istripuak Gaurko albisteak Bizkaia Lana berriak Eguneko albisteak Eguneko albisteak Derio