Ekonomia -
Trapagaranen
Productos Tubulareseko lan-erregulazio espedientearen aurka manifestatu dira
'Atzerapausorik ez. Kaleratze eta prekarietatearen aurrean, borroka da bidea' lelopean egin dute ibilbidea, lantegitik Trapagarango Udaletxeraino.
AGENTZIAK | ERREDAKZIOA
Ehunka lagun manifestatu dira larunbat honetan Trapagaranen (Bizkaia), Productos Tubulares enpresari Tubos Reunidosek ezarriko dion enplegu-erregulazioko espedientearen aurka protesta egiteko.
Trapagaranen bertan kokatutako Productos Reunidoseko lantegitik udalerriko Udaletxeraino egin dute ibilbidea, 'Atzerapausorik ez. Kaleratze eta prekarietatearen aurrean, borroka da bidea' lelopean.
Greba mugagabean murgilduta daude Productos Tubulareseko langileak, Tubos Reunidosek egindako iragarpenaren ostean. Tubos Reunidoseko akziodun handiena BBVA da, akzioen % 14 baititu.
Dena dela, aurreikusitako berregituraketa atzeratu egin du Tubos Reunidosek, altzairuaren gainean AEBk ezarritako % 25eko muga-zerga aztertzeko asmoz.
