Ekonomia -
Astelehenean gertatu zen
Lasarteko obra batean lau metrotik erori zen langile bat hil da
Portugalgo langileak bi egun eman ditu ospitalean egoera larrian. Hildako honekin dagoeneko EAEn, Nafarroan eta Iparralden 81 langilek bizitza galdu dutela salatu du LAB sindikatuak.
Erredakzioa
Iragan astelehenean, Lasarten (Gipuzkoa), lau metroko altuera batetik erori zen langilea atzo hil zen Donostian, bi egun ospitalean larri eman ostean, LAB sindikatuak jakitera eman duenez.
San Pedroko elizaren atzealdean egiten ari diren obretan jazo zen lan-istripua astelehenean. Bertan Construcciones Murias enpresaren Portugaleko langile bat lau metroko altuera batetik erori zen, LAB sindikatuak azaldu duenez.
Biktima larri zauritu zen eta ospitalera eraman behar izan zuten, baina ezin izan da sendatu eta hil egin da.
Hildako honekin dagoeneko Euskadin, Nafarroan eta Iparralden 81 langilek bizitza galdu dutela salatu du sindikatu abertzaleak. LABen hitzetan, "lan-baldintza eskasek langileen bizitzaren gainetik daudela demostratzen dute" datu horiek.
"Prebentzio neurriak ez aplikatzeagatik enpresaburuak erantzule dira, segurtasunaren eta langileen osasunaren gainetik mozkin ekonomikoak jartzen dituztelako, eta ez dutelako ikuskaritza eraginkor eta iraunkorrik egiten", erantsi du sindikatuak.