Ekonomia -
LAN ISTRIPUA
Castejongo langile bat larri, lan egiten zuen lursailean zezen batek adarkatu ostean
Gizonezkoa, zaldi gainean, zezen bat kamioi barrura sartzen saiatzen ari zen. Une horretan, beste zezen bat agertu da eta eraso egin dio.
AGENTZIAK | ERREDAKZIOA
Castejongo bizilagun bat larri zauritu da, zezen baten hainbat adarkada jasota. Istripua Rincon de Sotoko lursail batean gertatu da, bertan egiten baitzuen lan.
Ezbeharra gertatu denean, langilea zaldi baten gainean zebilen, zezen bat kamioi baten barrura eraman nahian. Orduan, baina, beste zezen bat agertu da, eta eraso egin dio.
Gizonezkoa helikopteroz eraman dute Calahorrako Ospitalera, eta, ondoren, zaurien larritasuna ikusita, Nafarroako Ospitale Gunera eraman dute.
Hau zure interesekoa bada, baliteke beste gai hauek ere izatea