Langile bat hil da Ondarroan izandako istripu batean

Eraikuntzako behargina, argitu gabeko arrazoiak tarteko, laugarren solairutik erori da, materiala igotzen ari zenean.

Ondarroa herri bizkaitarreko Artabide kalea, artxiboko irudi batean — Lan ezbeharra izan den kalea. EiTBren bideo batetik ateratako argazkia

EITB.EUS

publikatuta: 2018/09/14 11:37 (UTC+2)

azken eguneratzea: 2024/01/19 11:31 (UTC+1)

Langile bat hil da gaur goizean Ondarroan (Bizkaia), laugarren solairutik erorita, Eusko Jaurlaritzako Segurtasun Sailak eitb.eus-i baieztatu dionez.

Ezbeharra 10:40an jazo da, Artabide kalean.

Iturrion arabera, behargina eraikuntzako materiala igotzen ari zen eraikineko fatxadatik, eta, argitu gabeko arrazoiak tarteko, laugarren solairutik erori da.

Ertzaintza eta larrialdietako medikuak berehala joan dira bertara, baina osasun-langileek heriotza baieztatu besterik ezin izan dute egin. Osalaneko teknikariak ere bertaratu dira, gertatutakoa ikertzeko.

Hau zure interesekoa bada, baliteke beste gai hauek ere izatea

Lan-istripuak Bizkaia Ekonomia Eguneko albisteak Ondarroa Albisteak Lea-Artibai azken ordukoa

Langile bat hil da Ondarroan izandako istripu batean

Esteka kopiatuta